రంకెలేసిన కోడెగిత్తలు

ఎద్దును నిలువరించడానికి యువకుల ప్రయత్నం

వెదురుకుప్పం: రంకెలేస్తూ దూసుకొస్తున్న కోడెగిత్తల జోరుకు అడ్డు కట్ట వేసేందుకు ప్రయత్నించిన యువత సాహసం... వెరసి పశువుల పండగ కోలాహలంగా సాగింది. మండల పరిధి పాతగుంటలో ఆదివారం పశువుల పండగను గ్రామస్థులు నిర్వహించారు. బయటి ప్రాంతాల నుంచి వచ్చిన పశువులకు గ్రామస్థులు తగిన సౌకర్యాలు కల్పించారు. యువత తమ సంసిద్ధత వ్యక్తం చేయడంతో నిర్వాహకులు విడతల వారీగా పశువులను జనంలోకి వదలి పెట్టారు. వేగంగా పరుగులు తీస్తున్న ఎద్దులను నిలువరించడానికి యువత సాహసం చేశారు. ఎద్దుల కిందపడి ఇద్దరు వ్యక్తులు తీవ్రంగా గాయ పడడంతో 108లో ఆస్పత్రికి తరలించారు.