చంద్రబాబుపై కరపత్రాల పంపిణీపై ఫిర్యాదు

పోలీసులకు ఫిర్యాదు చేస్తున్న తెదేపా నాయకులు

వరదయ్యపాళెం, న్యూస్‌టుడే: మాజీ ముఖ్యమంత్రి చంద్రబాబునాయుడుపై అవినీతి ఆరోపణలతో ముద్రించిన కరపత్రాలను పంపిణీ చేయడంపై తెదేపా నాయకులు ఆదివారం పోలీసులకు ఫిర్యాదు చేశారు. మండలంలో పంపిణీ చేసిన ఈ కరపత్రాలను చిరునామా లేకుండా అసత్య ఆరోపణలతో బురదచల్లుతున్న వారిపై చర్యలు తీసుకోవాలని ఏఎస్సై షణ్ముగంనకు విన్నవించారు. కార్యక్రమంలో మండల తెదేపా మాజీ ఉపాధ్యక్షుడు బుర్రా సుబ్బయ్య, తెలుగు యువత నాయకులు ఎన్‌.హరిప్రసాద్‌చౌదరి, శ్రీపతి, లీలారామ్‌, అభిరామ్‌చౌదరి(జశ్వంత్‌), కుమార్‌, సురేష్‌రెడ్డి, క్రిష్ణ, చంద్ర పాల్గొన్నారు.