సికింద్రాబాద్‌- తిరుపతికి ప్రత్యేక రైళ్లు

తిరుపతి(రైల్వే), న్యూస్‌టుడే: రైలు ప్రయాణికుల రద్దీని నివారించడంలో భాగంగా సికింద్రాబాద్‌- తిరుపతి- సికింద్రాబాద్‌ మధ్య నాలుగు ప్రత్యేక రైళ్లను నడపనున్నట్లు ద.మ.రైల్వే బుధవారం ఒక ప్రకటనలో తెలిపింది. సికింద్రాబాద్‌- తిరుపతి (07489) రైలు ఏప్రిల్‌ 7, 14 తేదీల్లో సికింద్రాబాద్‌ నుంచి రాత్రి 8 గంటలకు బయలుదేరి మరసటిరోజు ఉదయం 9 గంటలకు తిరుపతికి చేరుకుంటుంది. తిరుపతి-సికింద్రాబాద్‌ (07490) రైలు ఏప్రిల్‌ 9, 16 తేదీల్లో తిరుపతి నుంచి సాయంత్రం 4.35 గంటలకు బయలుదేరి మరుసటిరోజు ఉదయం 6.35 గంటలకు సికింద్రాబాద్‌ చేరుకోనుంది. ఈ నాలుగు ప్రత్యేక రైళ్లు కాచిగూడ, ఉందానగర్‌, షాద్‌నగర్‌, జడ్చర్ల, మహబూబ్‌నగర్‌, వనపర్తి రోడ్డు, గద్వాల్‌, కర్నూలు సిటీ, డోన్‌, గుత్తి, తాడిపత్రి, ఎర్రగుంట్ల, కడప, రాజంపేట, రేణిగుంట మీదుగా తిరుపతి స్టేషన్‌కు రాకపోకలు సాగించనున్నాయి. పై రైళ్లలో ఏసీ-2, ఏసీ-3 టైర్‌, స్లీపర్‌, జనరల్‌ సెకండ్‌ క్లాస్‌ కోచ్‌లు ఉన్నాయి.