బ్రహ్మోత్సవాలు ఘనంగా నిర్వహించాలి: మంత్రి రోజా

శ్రీసీతారాములకు పట్టువస్త్రాల సమర్పణ

పట్టువస్త్రాలు తీసుకొస్తున్న మంత్రి ఆర్‌కే రోజాసెల్వమణి దంపతులు

పుత్తూరు, న్యూస్‌టుడే: శ్రీరామనవమిని పురస్కరించుకుని పట్టణంలోని శ్రీకోదండరామాలయంలోని శ్రీసీతారాములకు మంత్రి ఆర్‌కే రోజాసెల్వమణి దంపతులు గురువారం పట్టువస్త్రాలు సమర్పించారు. ఆలయ బ్రహ్మోత్సవాల్లో భాగంగా స్థానిక కార్వేటినగరం రోడ్డులోని మండపం నుంచి ఊరేగింపుగా వెళ్లి వాటిని అందజేశారు. ఆలయ ఈవో మునికృష్ణయ్య, ఉత్సవ కమిటీ సభ్యులు, అర్చకులు.. మంత్రి దంపతులకు పూర్ణకుంభంతో స్వాగతం పలికారు. ఈ సందర్భంగా ఆలయంలో ప్రత్యేక పూజలు నిర్వహించిన వారిని వేదమంత్రాలతో పండితులు ఆశీర్వదించి తీర్థప్రసాదాలు అందజేశారు. ఈ సందర్భంగా మంత్రి మాట్లాడుతూ పది రోజుల పాటు వార్షిక బ్రహ్మోత్సవాలు ఘనంగా నిర్వహించా లన్నారు. మున్సిపల్‌ ఛైర్మన్‌ హరి, వైస్‌ ఎంపీపీ మునస్వామిరెడ్డి, మున్సిపల్‌ కమిషనర్‌ కేఎల్‌ఎన్‌ రెడ్డి, కౌన్సిలర్లు భానుమతి, నరసింహారావు, ఏకాంబరం, జాన్‌కెనడీ, నాయకులు పాల్గొన్నారు.