స్కేటింగ్‌ రింక్‌ ప్రైవేటీకరణ నిలుపుదల

తిరుపతి (క్రీడలు): తిరుపతిలోని శ్రీశ్రీనివాస క్రీడా సముదాయంలో స్కేటింగ్‌ రింక్‌  ప్రైవేటీకరణకు ఆహ్వానించిన టెండర్‌ను నిలిపివేశారు. టెన్నిస్‌ కోర్టు, స్కేటింగ్‌ రింక్‌లను శాప్‌ బహిరంగ వేలానికి టెండర్లు ఆహ్వానించడంపై ఈ నెల 28న ‘ఈనాడు’లో ‘ఒక్కొక్కటిగా ప్రైవేటీకరణ’ శీర్షికన కథనం ప్రచురితమైంది. జాతీయ స్థాయి స్కేటింగ్‌ పోటీలకు శిక్షణ పొందుతున్న క్రీడాకారుల తల్లిదండ్రులు శాప్‌ ఎండీ హర్షవర్దన్‌కు ఫిర్యాదు చేశారు. దీంతో ప్రైవేటీకరణ నిర్ణయాన్ని వెనక్కి తీసుకున్నారు. స్కేటింగ్‌ ద్వారా ఆన్‌ సిజన్‌లో నెలకు రూ.50వేలు, వేసవిలో నెలకు రూ.లక్షకు పైగా ఆదాయం వస్తోంది. ప్రైవేటీకరణ ద్వారా నెలకు రూ.40వేలే ఉండటం గమనార్హం.