మొక్కు తీర్చుకున్న తేజస్విని

అమ్మవారిని దర్శించుకున్న తెదేపా నేతలు తేజస్విని, అనీషారెడ్డి, శ్రీనాథరెడ్డి

పుంగనూరు, న్యూస్‌టుడే: స్థానిక విరూపాక్షి మారెమ్మ దేవతను శుక్రవారం తెదేపా నాయకురాలు డీకే తేజస్విని దర్శించుకున్నారు. చిత్తూరు మాజీ ఎంపీ స్వర్గీయ డీకే ఆదికేశవులు, మాజీ ఎమ్మెల్యే స్వర్గీయ సత్యప్రభల కుమార్తె డీకే తేజస్విని గతంలో ఈ ఆలయానికి రాగా.. నిత్యదీపం వెలిగిస్తానని మొక్కుకున్నారు. ఆ మొక్కు తీర్చుకోవడానికి వచ్చిన ఆమెకు ఆలయ కమిటీ తరఫున స్వాగతించారు. ప్రత్యేక పూజలు నిర్వహించారు. తెదేపా నాయకులు ఎన్‌.శ్రీనాథరెడ్డి, అనీషారెడ్డి, పట్టణ, మండల నాయకులు రమణ, షాజహాన్‌, పులి వెంకటరమణ, చంద్ర కమిటీ సభ్యులు పాల్గొన్నారు.