పాత బస్టాండ్‌లో ఆక్రమణలు తొలగించాలి

పుర కమిషనర్‌కు సమస్యను వివరిస్తున్న రైతు కూలీ సంఘం నేత

వెంకటగిరి, న్యూస్‌టుడే: పాత బస్టాండ్‌ పరిధిలో వ్యాపారులు యథావిధిగా రోడ్డుపైకి రావడంవల్ల పాదచారులు నానా అగచాట్లు పడుతున్నారని రైతు కూలీ సంఘం నేత రమణయ్య శుక్రవారం పుర కమిషనర్‌ వెంకటరామయ్యకు తెలిపారు. గతంలో వ్యాపారులు రోడ్డుపైకి రాకుండా పోలీసులు ప్రత్యేక చర్యలు చేపట్టారన్నారు. రోడ్డు మధ్యలో డివైడర్‌ ఏర్పాటు చేయడంవల్ల ఇరు వైపులా వాహనాలు వెళ్లుతున్నాయన్నారు. రోడ్డు మధ్యలో ఉన్న ఇనుప డివైడర్‌ను తొలగించడంతో వ్యాపారులు యథావిధిగా రోడ్డుపైకి చొచ్చుకు వస్తున్నారన్నారు. బస్టాండ్‌ ప్రాంతంలో నిత్యం బస్సులు రద్దీగా ఉంటుందని ఇక్కడ ఆక్రమణకు గురికాకుండా చూడాలని కోరారు.