తెప్పపై అలమేలుమంగ అభయం

తెప్పపై ఊరేగుతున్న శ్రీపద్మావతీ అమ్మవారు

తిరుచానూరు, న్యూస్‌టుడే: తిరుచానూరు శ్రీపద్మావతీ అమ్మవారి వార్షిక తెప్పోత్సవాల్లో భాగంగా మూడో రోజు శుక్రవారం రాత్రి అమ్మవారు తెప్పపై ఊరేగుతూ భక్తులకు సాక్షాత్కరించారు.  మధ్యాహ్నం ఉత్సవమూర్తిని వేంచేపుగా పద్మసరోవరంలోని నీరాడ మండపానికి తీసుకొచ్చి కొలువుదీర్చి స్నపన తిరుమంజనం నిర్వహించారు. సాయం త్రం అలంకార శోభితురాలైన శ్రీపద్మావతీదేవి తెప్పపై కొలువుదీరి మూడు పర్యాయాలు పద్మసరోవరంలో విహరించారు.

* తెప్పోత్సవాల్లో భాగంగా శనివారం రాత్రి గజ వాహనసేవ జరగనుంది.