తుప్పు పడుతున్నా..మెప్పు కోసం

టిడ్కో గృహాలనూ వదల్లేదు

తిరుపతి జిల్లా పుత్తూరు మున్సిపాలిటీలో తెదేపా హయాంలో మంజూరైన 1,006 గృహాల్లో.. 426 మాత్రమే పూర్తయ్యాయి. పూర్తయిన గృహాలకు వైకాపా రంగులు వేస్తున్నారు. గత ప్రభుత్వ హయాంలో 80 శాతం పనులు పూర్తి చేశారు. ఎన్నికలు రావడంతో వైకాపా అధికారంలోకి వచ్చాక ఈ గృహాల పనులు పూర్తిగా ఆపేశారు. గత ప్రభుత్వ హయాంలో పూర్తిచేసిన వాటినే ఈ ఏడాది చివరకు పూర్తిచేసి లబ్ధిదారులకు అందజేయడానికి ఇటీవల మౌలిక వసతుల ఏర్పాటుకు నిధులు మంజూరు చేసి మంత్రి ఆర్‌కే రోజా భూమిపూజ చేశారు. ఇక పునాదుల్లో నిలిచిన గృహాల్లో ఇనుము పూర్తిగా తుప్పు పడుతుంటే.. మరోవైపు అధికార పార్టీ మెప్పు కోసం రంగులు వేస్తుండటం గమనార్హం.

న్యూస్‌టుడే, పుత్తూరు