పాఠశాల దారి అడ్డగింత

పశువుల పాకలో నిరీక్షిస్తున్న విద్యార్థులు, ఉపాధ్యాయులు

వి.కోట: పాఠశాలకు వెళ్లేదారికి అడ్డంగా ముళ్లకంచ వేయడంతో విద్యార్థులు, ఉపాధ్యాయులు సమీప పశువుల పాకలో నిరీక్షించాల్సిన పరిస్థితి నెలకొంది. ఈ సంఘటన తిరుపతి జిల్లా వి.కోట మండల పరిధిలోని కొమ్మరమడుగు గ్రామంలో గురువారం చోటు చేసుకొంది. ఆనేప్ప పాఠశాల భవన నిర్మాణానికి సుమారు 20 ఏళ్ల కిత్రం స్థలా న్ని ఇచ్చారు. ఈ స్థలం తమదని పాఠశాలకు వెళ్లేదారిలో ముళ్లకంపలు అడ్డంగా వేశారు. దీంతో ఎంఈవో చంద్రశేఖర్‌, ఎంపీపీ యువరాజ్‌, తహసీల్దార్‌ చిట్టిబాబు వారికి నచ్చచెప్పే ప్రయత్నం చేశారు. ఈ స్థలం పాఠశాలకు ఇచ్చినప్పటికీ రికార్డులో తమ పేర్లేచూపుతున్నాయని వారు అధికారులకు తెలియజేశారు. అయితే గతంలో దాతలు ఇచ్చిన స్థలాన్ని ఎలాంటి రిజిస్ట్రేషన్‌ చేసుకోలేదని విద్యాశాఖ అధికారులు తెలిపారు. ఈ విషయాలను కోర్టులో చూసుకోవాలని ప్రస్తుతానికి విద్యార్థులు, ఉపాధ్యాయులు వెళ్లడానికి దారివ్వాల్సిందిగా రెవిన్యూ అధికారులు వారికి నచ్చచెప్పారు. ఈ విషయమై సోమవారం మరోసారి పంచాయతీ పెట్టి సమస్యను పరిష్కరించుకొందామని అంతవరకు దారిలో రాకపోకలు సాగించుకోవాలని అధికారులు కోరడంతో ప్రస్తుతానికి సమస్య పరిష్కారమైంది. విద్యార్థులు మధ్యాహ్నం వరకు పశువుల పాకలోనే కాలంగడిపారు.