వృద్ధురాలి హత్యకేసులో అనుమానితుడు ఆత్మహత్య

ఐ.పోలవరం, న్యూస్‌టుడే: ఐ.పోలవరం మండలం టి.కొత్తపల్లిలో వృద్ధురాలి హత్యకేసులో ప్రధాన నిందితుడిగా భావిస్తున్న కాళ్ల వెంకటేశ్వరావు(28) పురుగు మందు తాగి ఆత్మహత్యకు పాల్పడ్డాడు. గత నెల 23న అర్ధరాత్రి దూసర్ల సీత (72)ను హత్యచేసి ఆమె ఒంటిపైనున్న బంగారు ఆభరణాలను అపహరించుకుపోయిన ఘటనపై కేసు నమోదు చేసిన పోలీసులు వేలిముద్రల ఆధారంగా నిందితులను ప్రాథమికంగా గుర్తించారు. విషయం తెలియడంతో వెంకటేశ్వరరావు పురుగు మందు తాగడంతో   కాకినాడ జీజీహెచ్‌కు తరలించగా శుక్రవారం రాత్రి మృతిచెందాడు.  పూర్తి వివరాలు ఈ నెల 5న వెల్లడిస్తామని ఎస్సై రాజేష్‌ తెలిపారు.