ఆన్‌లైన్‌లో వెయ్‌.. పందెం కాయ్‌..

అల్లవరం: కోడూరుపాడు కోడిపందేల బరులవద్ద ఏర్పాటు చేసిన ఫోన్‌పే కేంద్రం

అల్లవరం, న్యూస్‌టుడే: కోడిపందేల బరుల వద్ద పందెంరాయుళ్లకు డబ్బు కొరత లేకుండా నిర్వాహకులు ఫోన్‌పే ఏర్పాట్లు చేశారు. అల్లవరం మండలం కోడూరుపాడు బరి వద్ద శుక్రవారం ఒక వ్యక్తి జూదరులకు నగదు కొరత లేకుండా చేసేందుకు ఫోన్‌పే ద్వారా నగదు ఖాతాలోకి జమ చేయించుకుని కొంత మొత్తం కమిషన్‌ తీసుకుని నగదు చెల్లిస్తున్నారు. పండుగ సీజన్‌ కావడం, ఏటీఎంలలో నగదు కొరత ఉండటంతో డిజిటల్‌ యాప్‌ల ద్వారా బరుల వద్దే చెల్లింపులు చేస్తన్నారు. ఫోన్‌ నంబర్లు, స్కానింగ్‌ ఏర్పాటు చేసి వాటి ద్వారా జూదరులకు నగదు చెల్లించారు.