సారూ.. మీవాళ్లే ప్రోత్సహిస్తున్నారు

జూదాలపై ఎస్పీకి సామాజిక కార్యకర్త ఫిర్యాదు

తాళ్లరేవు, న్యూస్‌టుడే: కోడిపందేలు, గుండాట, పేకాట, సింగం ఆటలకు అనుమతిచ్చి, ప్రోత్సహిస్తున్న అధికారులు సైతం నేరస్థులు అవుతారని సామాజిక కార్యకర్త సామాజిక, ఆర్టీఐ కార్యకర్త పి.వి.భద్రరావు అన్నారు. తాళ్లరేవు మండలంలోని గాడిమొగ వెళ్లే సీతారామపురం శ్మశానవాటిక చెంత నిర్వహిస్తున్న కోడిపందేలు, గుండాట, పేకాట, సింగం ఆటలను తక్షణమే నిలిపివేయాలని జిల్లా ఎస్పీకి శుక్రవారం ఫిర్యాదు చేశానన్నారు. న్యాయస్థానాల ఆదేశాలను అమలు చేయాల్సిన అధికారులే, జూదాలకు పరోక్షంగా అనుమతిచ్చి, ప్రోత్సాహిస్తున్నారని ఆయన పేర్కొన్నారు. సీతారామపురం శ్మశానవాటిక పక్కన కోడిపందేలకు జిల్లా ఉన్నతాధికారుల అనుమతి ఉందని పోలీసులు ప్రచారం చేస్తున్నారన్నారు. ఇక్కడ నిర్వహించే జూదాలకు రూ.7.50 లక్షలకు వేలం పాట జరిగిందని ఆ ఫిర్యాదులో పేర్కొన్నారు.