ఆర్టీసీ బస్సు ఢీకొని ఒకరి దుర్మరణం

కరప: వేళంగి కొప్పిశెట్టివారిపేటకు చెందిన కక్కల సత్యనారాయణ(46) లారీడ్రైవర్‌గా పనిచేస్తూ కుటుంబాన్ని పోషించుకుంటున్నారు. శనివారం నడకుదురులోని మిల్లు వద్దనుంచి ద్విచక్ర వాహనంపై ఇంటికి వస్తుండగా దళమ్మచెరువుగట్టు వద్ద కాకినాడ నుంచి రావులపాలేనికి వెళ్తున్న ఆర్టీసీ బస్సు ఢీకొట్టి.. వెనుక చక్రాలు అతని తలపైనుంచి వెళ్లడంతో అక్కడికక్కడే మృతిచెందారు. స్థానికుల సమాచారంతో ఎస్సై రమేష్‌బాబు వచ్చి పరిశీలించి, మృతదేహాన్ని జీజీహెచ్‌కు తరలించారు. అతనికి భార్య, ముగ్గురు కూతుళ్లు, ఒక కొడుకు ఉన్నారు. ఘటనపై కేసు నమోదుచేసి దర్యాప్తు చేస్తున్నట్లు ఎస్సై తెలిపారు.