సీ ఫుడ్స్‌ పేరిట గంజాయి తరలింపు

పోలీసుల అదుపులో నిందితులు

రాజానగరం: జాతీయ రహదారిపై దివాన్‌చెరువు వద్ద రూ.21 లక్షల విలువైన 420 కేజీల గంజాయిని బొమ్మూరు పోలీసులు శనివారం స్వాధీనం చేసుకున్నట్లు ఎస్సై జగన్మోహనరావు తెలిపారు. తమిళనాడులోని తుత్తుకుడి జిల్లా కుచెందిన మహారాజ్‌ రాజేంద్రన్‌, స్టార్‌విన్‌ మరియదాస్‌, వినోద్‌కుమార్‌ మణికందన్‌ను అదుపులోకి తీసుకున్నారు. స్పెషల్‌ ఎన్‌ఫోర్స్‌మెంట్‌ బ్యూరో అదనపు ఎస్పీ రమాదేవి, బొమ్మూరు సీఐ లక్ష్మణరెడ్డి సమక్షంలో వారిని విచారించారు. 13 బస్తాల్లో గంజాయిని విశాఖ జిల్లా ఏజెన్సీ ప్రాంతం నుంచి తమిళనాడుకు సీఫుడ్స్‌కు వినియోగించే వ్యాన్‌లో తరలిస్తుండగా పట్టుబడింది.