కొవిడ్‌ నిబంధనల ప్రకారం దర్శనాలు

 మామిడికుదురు: దేవాదాయ శాఖ కమిషనరు ఆదేశానుసారం అప్పనపల్లి బాలబాలాజీస్వామి ఆలయంలో సోమవారం నుంచి అంతరాలయ దర్శనం, తీర్ధ ప్రసాదం, ఉచిత ప్రసాదం, శఠారి, అన్నదానాన్ని నిలుపుదల చేస్తున్నట్లు ఏసీ పొలమూరి బాబూరావు, ఛైర్మన్‌ పిచ్చిక శివనాగసత్యనారాయణ ఆదివారం పేర్కొన్నారు.  
రి ఆత్రేయపురం: కొవిడ్‌ విస్తరిస్తున్న నేపథ్యంలో ప్రభుత్వ ఆదేశాల మేరకు వాడపల్లి వెంకన్న ఆలయంలో అంతరాలయ దర్శనం రద్దు చేసి సాధారణ దర్శనం మాత్రమే కల్పిస్తున్నట్లు ఈవో సత్యనారాయణరాజు ఆదివారం విలేకరులకు తెలిపారు.  అన్నప్రసాద వితరణను నిలిపివేసినట్లు చెప్పారు.