జిల్లాకు 25 వేల ఎంసీపీ కార్డులు

డీఎంహెచ్‌వో కార్యాలయానికి చేరుకున్న మదర్‌ చైల్డ్‌ ప్రొటెక్షన్‌(ఎంసీపీ) కార్డులు

మసీదుసెంటర్‌(కాకినాడ), న్యూస్‌టుడే: జిల్లాకు 25 వేల మాతాశిశు సంరక్షణ(ఎంసీపీ) కార్డులు వచ్చాయని అదనపు డీఎంహెచ్‌వో డాక్టర్‌ బి.మీనాక్షి తెలిపారు. రాష్ట్ర వైద్య, ఆరోగ్య కుటుంబ సంక్షేమ శాఖ అందించే ఈ పుస్తకాలు 99,000 రావాల్సి ఉండగా, మొదటి విడతలో 25 వేలు శుక్రవారం కార్యాలయానికి చేరుకున్నాయన్నారు. వాటిపై క్యూఆర్‌ కోడ్‌లు అతికించి ఇచ్చేలా ఏర్పాట్లు చేశారన్నారు. పీహెచ్‌సీలకు వీటిని పంపుతామని చెప్పారు. తల్లులు, పిల్లల శారీరక, మానసిక, సాంఘిక అభివృద్ధి దశలను గుర్తించేందుకు ఈ కార్డులు ఉపయోగపడతాయన్నారు.