ఏమైనా కాణీ... కట్టించాల్సిందే!

ఈనాడు, కాకినాడ - న్యూస్‌టుడే, తుని పట్టణం : ఓటీఎస్‌ లక్ష్యాలు చేరుకోలేదని తుని పట్టణంలో 12 మంది సచివాలయ సిబ్బందికి నియోజకవర్గ ప్రత్యేక అధికారి మెమో జారీచేశారు. పట్టణ పరిధిలో కొండవారిపేట, సీతారాంపురం, అమ్మాజీపేట, శాంతి నగర్‌, గుర్రాలశాల తోట, గవరపేట, బీఎస్‌ఎన్‌ఎల్‌ కార్యాలయం, ఇసుకల పేట, రామకృష్ణాకాలనీ, వీరవరపుపేట, బ్యాంకు కాలనీ, ఎం.ఆర్‌.పేట సచివాలయాల పరిధిలోని వార్డు అడ్మిన్‌ కార్యదర్శులకు ఈ మెమోలు ఇచ్చారు. ఈనెల 19 నాటికి లక్ష్యం చేరనందునమీపై క్రమశిక్షణ చర్యలు ఎందుకు తీసుకోకూడదో 24 గంటల్లో సంజాయిషీ ఇవ్వాలని ఆయా లేఖల్లో పేర్కొన్నారు

పెద్దాపురం పట్టణంలో 11 మంది, గ్రామీణంలో 13 మందికి.. సామర్లకోట పట్టణంలో 15 మందికి అధికారులు మెమోలు జారీచేశారు.

అమలాపురంలో లక్ష్య సాధనలో వెనకబడిన వారిని సబ్‌కలెక్టర్‌ కార్యాలయానికి పిలిపించి క్లాసు తీసుకున్నారు. ప్రజలు సహకరించకపోతే మేమేం చేయాలంటూ పలువురు వాపోయినట్లు సమాచారం.

ఆంధ్రప్రదేశ్‌ గృహ నిర్మాణ సంస్థ ద్వారా రుణాలు పొంది ఇళ్లు కట్టుకున్న లబ్ధిదారులకు వాటిపై పూర్తిహక్కులు కల్పిస్తూ ప్రభుత్వమే రిజిస్ట్రేషన్‌ చేసి ఇస్తోంది. ఇదే... జగనన్న సంపూర్ణ గృహ హక్కు పథకం. జిల్లాలో రుణాలు పొందిన, రుణాలు పొందకుండా ప్రభుత్వం ఇచ్చిన భూమిలో సొంతంగా ఇళ్లు కట్టుకున్న లబ్ధిదారులు 5,24,100 మంది ఉన్నట్లు అధికారులు గుర్తించారు. రుణాలు పొందినవారు గ్రామీణంలో రూ.10 వేలు, మున్సిపాలిటీల్లో రూ.15 వేలు, నగర పాలక సంస్థల్లో రూ.20 వేలు చొప్పున చెల్లించి శాశ్వత హక్కు పొందే అవకాశం కల్పించారు. సొంతంగా కట్టుకున్న వాళ్లకు కేవలం రూ.10కే రిజిస్ట్రేషన్‌ చేస్తున్నారు.

ఆపసోపాలు...