ఓడిపోవద్దు..వీడిపోవద్దు!

ఈనాడు, అమలాపురం, కాకినాడ , రాజమహేంద్రవరం : ఓటమి ఎదురైతే కుంగిపోవద్ధు ఒత్తిడికి గురైతే తనువు చాలించొద్ధు ఉజ్వల భవితను క్షణికావేశంతో తుంచేసుకోవద్ధు. ఓటమి చెప్పిన పాఠంతో.. ఒత్తిడి నేర్పిన గుణపాఠంతో ముందుకెళ్తే అవాంతరాలను అధిగమించి విజయం సాధించవచ్ఛు ఓటమి ఎవరి తల రాత కాదు.. ఒత్తిడి ఎవరికీ శాపం కాదు.. ఈ విషయాన్ని గమనిస్తే వైఫల్యాలకు కుంగిపోయి.. మనస్తాపానికి గురై ఆత్మహత్యలకు పాల్పడే బలహీనత అధిగమించవచ్ఛు ఆత్మ విశ్వాసమే ఆయుధంగా ముందుకు దూసుకెళ్తే.. అవాంతరాలన్నీ మన స్థైర్యం ముందు చిన్నవేనని మానసిక వైద్య నిపుణులు వివరిస్తున్నారు.

శ్రుతిమించిన జోక్యం..

ఉమ్మడి జిల్లాలో మైనింగ్‌, సారా, గంజాయి మాఫియాకు కొదవేలేదు. వీటిని ఛేదించే క్రమంలో పోలీసులకు నిత్యం సవాళ్లే. అక్రమ నిల్వలు పట్టుకుంటే వదిలేయమని.. క్వారీల జోలికి వెళ్లవద్దనే ఒత్తిళ్లు పరిపాటిగా మారాయి. ఉద్యోగం సాఫీగా సాగాలంటే నాయకులు చెప్పినట్లు కొన్నిచోట్ల వినాల్సిందే. ఏ ఠాణాలో ఎవరు ఉద్యోగం చేయాలో తేల్చేది నాయకులే కావడంతో సమస్య వస్తోంది.

మూడు జిల్లాల్లో సామర్థ్యానికి తగిన చోటు దక్కక మానసికంగా ఇబ్బంది పడుతున్న పోలీసులు ఉన్నారు. విధి నిర్వహణలో రాజకీయ ఒత్తిళ్లకు తలొగ్గి తప్పులు చేస్తూ వీఆర్‌లోకి కొందరు వెళ్లాల్సిన పరిస్థితి ఉంది. ఒత్తిళ్లతో మరికొందరు ఇబ్బంది పడుతున్నారు. రాజకీయ నాయకుల జోక్యానికి తావులేని స్వేచ్ఛా వాతావరణం ఉంటే మెరుగైన సేవలు అందించే వీలుంది.

అమలాపురం సీఐ బాజీలాల్‌ను వీఆర్‌కు పంపడం వివాదాస్పదమైంది. ఓ ప్రజాప్రతినిధి జోక్యంతో రాజకీయ కోణంలోనే ఈ చర్యలు తీసుకున్నారనే విమర్శలు గుప్పుమన్నాయి. ఇదే అంశంపై ఓ వర్గానికి చెందిన ఉభయ తెలుగు రాష్ట్రాల నాయకులు ఆందోళనకు దిగడం.. దీనికి ఇతర సంఘాలు మద్దతు తెలపడం చర్చనీయాంశమైంది.

సీతానగరం మండలంలో శిరోముండనం కేసు.. మండపేట, సామర్లకోటలో మృతదేహాలతో ఆందోళన వ్యవహారాల్లో పోలీసుల తీరు వివాదాస్పదమైంది. రాజకీయ ఒత్తిళ్లకు తలొగ్గి కొందరు చర్యలు తీసుకోవడమే ఈ పరిస్థితికి కారణం. ఒత్తిడి తెచ్చిన నాయకులు తప్పించుకోగా.. ఆయా కేసుల్లో అంతిమంగా పోలీసులే శాఖాపర చర్యలను ఎదుర్కొన్నారు.