ఘనంగా ప్రపంచ ఆదివాసీ దినోత్సవం

అధికారులు, సిబ్బంది ఆధ్వర్యంలో చైతన్య ప్రదర్శన

ధవళేశ్వరం: ప్రపంచ ఆదివాసీ దినోత్సవాన్ని బొమ్మూరు గిరిజన ఆశ్రమ ఉన్నత పాఠశాలలో మంగళవారం ఘనంగా నిర్వహించారు. జిల్లా గిరిజన సంక్షేమ, సాధికారిత అధికారి కేఎన్‌ జ్యోతి కార్యక్రమానికి ముఖ్యఅతిథిగా హాజరై గిరిజన జెండాను ఆవిష్కరించారు. ఈ సందర్భంగా ఆమె మాట్లాడుతూ రాష్ట్ర ప్రభుత్వం గిరిజన విద్యార్థుల అభివృద్ధికి పలు పథకాలు ప్రవేశపెట్టి అమలు చేస్తోందన్నారు. సాంస్కృతిక నృత్య ప్రదర్శనలు ఆకట్టుకున్నాయి. కార్యక్రమంలో పాఠశాల హెచ్‌ఎం ఇందిరా ప్రియదర్శిని, బాలికల సంక్షేమ అధికారిణి త్రివేణి తదితరులు పాల్గొన్నారు.