దేశభక్తి రెపరెపలు

వి.ఎల్‌.పురం (రాజమహేంద్రవరం): లౌకిక రాజ్యాంగ పరిరక్షణ వేదిక, ప్రజాసంఘాల ఆధ్వర్యంలో భారత 75వ స్వాతంత్య్ర దినోత్సవ వేడుకలను పురస్కరించుకుని మంగళవారం రాజమహేంద్రవరంలో 75 మీటర్ల పొడవైన జాతీయ జెండాతో ప్రదర్శన నిర్వహించారు. కోటిపల్లిబస్టాండ్‌ నుంచి మెయిన్‌రోడ్డు మీదుగా కోటగుమ్మం జంక్షన్‌ వరకు సాగిన ఈ ప్రదర్శనలో జాతీయ నాయకుల వేషధారణలతో చిన్నారులు ఆకట్టుకున్నారు.  లౌకిక రాజ్యాంగ పరిరక్షణ వేదిక నాయకులు టి.అరుణ్‌, పి.సతీష్‌, అరుణకుమారి, కె.బేబీరాణి తదితరులు మాట్లాడారు.  లౌకిక రాజ్యాంగ పరిరక్షణ వేదిక, ప్రజాసంఘాల నాయకులు  పవన్‌,  రాజు, ప్రకాష్‌, సావిత్రి, ఐ.సుబ్రహ్మణ్యం, భాగ్యలక్ష్మి, కోరుకొండ చిరంజీవి, బి.రాజులోవ, రవిబాబు, విద్యార్థులు పాల్గొన్నారు.