త్యాగధనుల ఫలితమే స్వేచ్ఛావాయువులు

నేదునూరు ర్యాలీలో కలెక్టర్‌ హిమాన్షుశుక్లా

అయినవిల్లి, న్యూస్‌టుడే: ఎందరో త్యాగధనులు పోరాటాల ఫలితమే మనకు స్వేచ్ఛావాయువులు లభించాయని జిల్లా కలెక్టర్‌ హిమాన్షుశుక్లా అన్నారు. ఆజాదీకా అమృత్‌ మహోత్సవ్‌లో భాగంగా మండలంలోని నేదునూరు గ్రామంలో శుక్రవారం జరిగిన హర్‌ ఘర్‌ తిరంగా కార్యక్రమంలో పాల్గొన్నారు. రావి ఫౌండేషన్‌ ఆధ్వర్యంలో ఇంటింటికీ జాతీయ జెండాల పంపిణీని ప్రారంభించారు. తహసీల్దారు అనిల్‌కుమార్‌, సర్పంచి గుమ్మడి ప్రసాద్‌, ఎంపీటీసీ సభ్యులు కళ్లేపల్లి వెంకట సుబ్బరాజు, ఇండుగుల వెంకటరామయ్య, పాలగుమ్మి వెంకటకృష్ణ పాల్గొన్నారు.