వైకాపా ప్లీనరీలో బాగా పనిచేసిన పోలీసులకు ప్రశంస

ఏఆర్‌ ఏఎస్పీ సత్యనారాయణకు ప్రశంసాపత్రం అందజేస్తున్న ఎస్పీ రవీంద్రనాథ్‌బాబు

కాకినాడ(మసీదుసెంటర్‌), న్యూస్‌టుడే: గుంటూరు జిల్లాలోని ఆచార్య నాగార్జున విశ్వవిద్యాలయం ఎదురుగా ఉన్న మైదానంలో ఈ ఏడాది జులై 8, 9 తేదీల్లో వైకాపా ప్లీనరీ నిర్వహించిన విషయం తెలిసిందే.. ఆ రెండు రోజులూ రాష్ట్ర ముఖ్యమంత్రి, మంత్రులు, ప్రజలు పాల్గొన్న కార్యక్రమాల్లో ఎటువంటి అవాంఛనీయ సంఘటనలు జరగకుండా సమర్థంగా విధులు నిర్వర్తించిన కాకినాడ జిల్లాకు చెందిన పోలీసు అధికారులకు శనివారం ఎస్పీ ఎం.రవీంద్రనాథ్‌బాబు ప్రశంసాపత్రాలు అందజేశారు. ఏఆర్‌ ఏఎస్పీ సత్యనారాయణ, ట్రాఫిక్‌ డీఎస్పీ మురళీకృష్ణారెడ్డి, ఏఆర్‌ డీఎస్పీ వెంకటఅప్పారావు సేవలను గుర్తించి డీజీపీ రాజేంద్రనాథ్‌రెడ్డి జారీ చేసిన ప్రశంసాపత్రాలను జిల్లా పోలీసు కార్యాలయంలో ఎస్పీ చేతుల మీదుగా వారికి అందజేశారు.