గోవింద నామస్మరణతో భక్తజనం పులకింత

విశేష పుష్పాలంకరణలో స్వామివారు

వాడపల్లి(ఆత్రేయపురం), న్యూస్‌టుడే: వాడపల్లి పుణ్యక్షేత్రం శనివారం భక్తజనంతో కిక్కిరిసింది. స్వామికి ప్రీతిపాత్రమైన రోజు, దసరా శరన్నవరాత్రులు సందర్భంగా భక్తులు పెద్దసంఖ్యలో తరలివచ్చారు. ఆలయ పరిసరాలన్నీ గోవిందనామ స్మరణతో ప్రతిధ్వనించాయి. 50 వేల మంది భక్తులు స్వామివారిని దర్శించుకున్నట్లు అంచనా. 15వేల మంది అన్నప్రసాదాలు స్వీకరించారు. ప్రత్యేక దర్శనం టిక్కెట్లు తదితరాల అమ్మకాల ద్వారా రూ.17.50లక్షలు ఆదాయం వచ్చింది. భక్తులకు ఇబ్బంది లేకుండా ఆర్టీసీ అధికారులు ప్రత్యేక బస్సులు నడిపారు. దేవస్థానం పాలకమండలి ఛైర్మన్‌ రుద్రరాజు రమేష్‌రాజు, ఈవో ముదునూరి సత్యనారాయణరాజు ఏర్పాట్లను పర్యవేక్షించారు.