డ్రైవర్‌ చాకచక్యం.. తప్పిన ప్రమాదం

నిలిచిన బస్సు వద్ద ప్రయాణికులు

కడియం: రాజోలు డిపో ఆర్టీసీ బస్సు శుక్రవారం రాజమహేంద్రవరం వైపు వెళ్తుండగా... కడియం మండలం పొట్టిలంక జాతీయ రహదారిపై ఒక్కసారిగా బ్రేకులు విఫలం కావడంతో ప్రయాణికులు ఆందోళనకు గురయ్యారు. డ్రైవర్‌ రమేశ్‌ అప్రమత్తంగా వ్యవహరించి బస్సును చాకచక్యంగా రహదారి పక్కకు తీసుకువచ్చి నిలపడంతో ప్రమాదం తప్పింది. బస్సులో ప్రయాణిస్తున్న సుమారు 45 మంది ఊపిరి పీల్చుకుని డ్రైవర్‌ను అభినందించారు. కాలంచెల్లిన బస్సులను ప్రజా రవాణాకు ఉపయోగిస్తున్నారని వారంతా ప్రభుత్వంపై అసహనం వ్యక్తం చేశారు. అదే దారిలో వేరే బస్సు రావడంతో దాంట్లో ఎక్కేందుకు పరుగులు తీశారు.