కృష్ణం వందే జగద్గురుమ్‌

ఆకట్టుకున్న కోలాట బృందం

రాజమహేంద్రవరం సాంస్కృతికం, న్యూస్‌టుడే: గీతాజయంతిని పురస్కరించుకుని గోపాల్‌నగర్‌ పుంతరోడ్డులోని శ్రీకృష్ణ దేవాలయంలో గోదావరి జలాలతో స్వామివారికి వైభవంగా అభిషేకం నిర్వహించారు. ఆదివారం ఉదయం పుష్కరఘాట్‌లో స్వామివారికి పంచామృతాభిషేకం నిర్వహించి హారతి అందించారు. మహిళలు 108 కలశాలతో పవిత్ర గోదావరి నీటిని తలపై ఉంచి ఘాట్‌ నుంచి నగర వీధుల్లో ఊరేగింపుగా గోపాల్‌నగర్‌లోని ఆలయానికి చేరుకున్నారు. స్వామివారి ఉత్సవమూర్తులను వాహనంలో ఉంచి ఊరేగింపులో హరేకృష్ణ హరేనామ స్మరణ చేశారు. ఆలయ కమిటీ అధ్యక్షుడు పి.సత్యనారాయణ ఆధ్వర్యంలో జరిగిన కార్యక్రమంలో భక్తులకు ప్రసాద వితరణ చేశారు.