‘కన్నపేగునే కాదంటున్నాడు’

కలెక్టర్‌కు గోడు వినిపిస్తున్న వసంత..

చిత్రంలో చిన్నారితో ఉన్న ఈమె పేరు వసంత. కాకినాడ జిల్లా పెదపూడి మండలం జి.మామిడాడకు చెందిన ఈమెను అదే గ్రామానికి చెందిన ముప్పిడి రవి నమ్మించి మోసం చేయడంతో ఆమె ఓ ఆడ బిడ్డకు తల్లి అయింది. పెద్దల సమక్షంలో పంచాయితీ పెట్టినా అతను అంగీకరించలేదు.
ఆమె పోలీసులకు ఫిర్యాదు చేయడంతో 3 నెలలు జైలు శిక్ష అనుభవించి బయటకు వచ్చాడు. ఇప్పటికైనా అతను మారుతాడనుకున్న ఆమెకు నిరాశ ఎదురైంది. నీవు ఎవరో తెలియదని, ఈ బిడ్డకు, తనకు ఎలాంటి సంబంధం లేదని చెప్పటంతో ఏం చేయాలో తెలియక పెదపూడి ఎంపీడీవో కార్యాలయంలో జరిగిన జిల్లా స్థాయి స్పందనలో తన గోడును కలెక్టర్‌ కృతికాశుక్లా వద్ద మొరపెట్టుకుంది.. తన బిడ్డకు డీఎన్‌ఏ పరీక్ష చేయించి న్యాయం చేయాలని వేడుకుంది.. స్పందించిన కలెక్టర్‌ వెంటనే డీఎన్‌ఏ పరీక్షలు చేయించాలని వైద్యాధికారులకుఆదేశిస్తూ.. న్యాయం చేస్తామని ఆమెకు భరోసానిచ్చారు.

ఈనాడు, కాకినాడ