గణతంత్ర శోభ

విద్యుత్తు కాంతులీనుతున్న రాజమహేంద్రవరం విమానాశ్రయం

న్యూస్‌టుడే, కోరుకొండ, కడియం: రాజమహేంద్రవరం విమానాశ్రయం విద్యుత్తు కాంతులీనుతోంది. మూడు రంగుల విద్యుద్దీపాలతో ఆకట్టుకుంటోంది. గణతంత్ర దినోత్సవాన్ని పురస్కరించుకుని విమానాశ్రయాన్ని బుధవారం రాత్రి ఇలా మూడు రంగుల విద్యుద్దీపాలతో అలంకరించారు. టెర్మినల్‌ భవనం లోపల ఆవరణలో వివిధ రకాల పక్షులు, జంతువుల నమూనాలతో పాటు ఇండియా గేట్‌ నమూనాను ఏర్పాటు చేశారు. టెర్మినల్‌ బయట, లోపల ఏర్పాటు చేసిన ఈ అలంకరణలు ప్రయాణికులను విశేషంగా ఆకట్టుకుంటున్నాయి. మూడు రోజుల పాటు ఈ అలంకరణ ఉంటుందని ఏపీడీ ఎస్‌.జ్ఞానేశ్వరరావు ‘న్యూస్‌టుడే’కు తెలిపారు. గణతంత్ర దినోత్సవం సందర్భంగా కడియం పల్ల వెంకన్న నర్సరీలో మొక్కల కూర్పు ఆకట్టుకుంటోంది. మూడు రోజులు శ్రమించి ఈ ఆకృతి ఏర్పాటు చేశామని యువరైతులు పల్ల వినయ్‌, వెంకటేశ్‌ తెలిపారు.

కడియం పల్ల వెంకన్న నర్సరీలో పూల మొక్కలతో కూర్పు