250 అడుగుల జెండాతో నడక

జాతీయ జెండాతో విద్యార్థులు

బిక్కవోలు, న్యూస్‌టుడే: తూర్పుగోదావరి జిల్లా బిక్కవోలు మండలం మెళ్లూరు మీదుగా 250 అడుగుల జాతీయ జెండాతో యువకులు ముందుకు సాగారు. దీన్ని చూసేందుకు మెళ్లూరు గ్రామస్థులు రోడ్డుపైకి వచ్చారు. రామచంద్రపురం పట్టణానికి చెందిన మోడరన్‌ విద్యాసంస్థల ఆధ్వర్యంలో ఈ ర్యాలీ నిర్వహించారు. మూడు జిల్లాలు, మూడు రంగుల జెండా అంటూ కోనసీమ జిల్లా నరసాపురపుపేట నుంచి త్రివర్ణ పతాకంతో నడక ప్రారంభించారు. అక్కడి నుంచి తూర్పుగోదావరి జిల్లా మెళ్లూరు మీదుగా కాకినాడ జిల్లా వేండ్ర ఆంజనేయ స్వామి దేవాలయం వద్ద ముగించారు. దాదాపు 5 కి.మీ. దూరాన్ని 90 నిమిషాల్లో ముగించారు. విద్యాసంస్థల అధినేత జి.వి.రావు, అకాడమిక్‌ సలహాదారు చల్లా శ్రీనివాస్‌ పాల్గొన్నారు.