రైతుల సమస్యలు పరిష్కరించండి

రైతు సంఘాల సమన్వయ సమితి ఆధ్వర్యంలో ట్రాక్టర్ల ర్యాలీ

అమలాపురం పట్టణం, న్యూస్‌టుడే: రైతులకు ప్రభుత్వం ఇచ్చిన హామీలు నెరవేర్చాలని డిమాండ్‌ చేస్తూ అమలాపురంలో రైతు సంఘాల సమన్వయ సమితి నాయకుల ఆధ్వర్యంలో గురువారం ట్రాక్టర్ల ర్యాలీ నిర్వహించారు. సమితి నాయకులు ట్రాక్టర్లపై ఈదరపల్లి వంతెన నుంచి పట్టణం మీదుగా కలెక్టరేట్‌ వరకు ర్యాలీగా వచ్చారు. రైతు పండించిన పంటకు కనీస మద్దతు ధర కల్పించాలని, సంపూర్ణ రుణ విముక్తి కల్పించాలని, సేకరించిన ధాన్యానికి నగదు చెల్లించాలని, పొలాల మురుగు కాల్వల్లో పూడిక తొలగించాలని అన్నారు. కౌలురైతులకు గుర్తింపుకార్డులిచ్చి.. భూయజమానితో సంబంధంలేకుండా బ్యాంకు రుణాలిప్పించాలని నినాదాలు చేశారు. సమితి ఛైర్మన్‌ యాళ్ల బ్రహ్మానందం, రైతు పరిరక్షణ సమితి కోకన్వీనర్‌ సత్తిబాబు, ప్రధాన కార్యదర్శి ఉమామహేశ్వరరావు, సుభాషిణి, రామచంద్రరావు, వసంతకుమార్‌, వెంకట్రావు, రమణ, ప్రసాద్‌, శ్రీనివాస్‌, తాతారావు, సూర్యనారాయణ, కారెం వెంకటేశ్వరరావు, లక్ష్మణరావు, భాస్కరరావు, పెద్దబ్బులు, రాంబాబు తదితరులు పాల్గొన్నారు.