సత్యదేవుని హుండీ ఆదాయం రూ.1.27 కోట్లు

కానుకలు లెక్కిస్తున్న సిబ్బంది

అన్నవరం, న్యూస్‌టుడే: అన్నవరం సత్యదేవుని హుండీ ఆదాయం నెల రోజులకు రూ.1.27 కోట్లు సమకూరింది. ఛైర్మన్‌ రోహిత్‌, ఈవో ఎన్వీ సత్యనారాయణమూర్తి సమక్షంలో శుక్రవారం హుండీలను తెరచి సొమ్ము లెక్కించారు. రూ.1,22,70,187 నగదు, రూ. 4,57,683 చిల్లర నాణేలు మొత్తం రూ.1,27,27,870 ఆదాయం వచ్చిందని ఆలయ అధికారులు తెలిపారు. 62 గ్రాముల బంగారం, 534 గ్రాముల వెండి, సింగపూర్‌, యూఎస్‌ఏ, ఆస్ట్రేలియా, సౌదీ అరేబియా, ఇంగ్లండ్‌, కెనడా తదితర దేశాల కరెన్సీ సమకూరిందన్నారు.