సకల సదుపాయాలతో కొమరగిరి లేఔట్‌

లబ్ధిదారులతో చర్చిస్తున్న అధికారులు

బాలాజీ చెరువు : కాకినాడ నగర ప్రజలకు ఇళ్ల స్థలాలు కేటాయించిన కొమరగిరి లే-ఔట్‌ మరో టౌన్‌షిప్‌గా రూపాంతరం చెందనుందని, ఇక్కడ సకల సదుపాయాలను కల్పిస్తున్నామని అదనపు కమిషనర్‌ సీహెచ్‌ నాగనరసింహారావు తెలిపారు. శుక్రవారం ఆయన రేచర్లపేటలోని సచివాలయం - ఏ, బీ పరిధిలోని పట్టాలు పొందిన లబ్ధిదారులతో సమావేశం నిర్వహించారు. భవిష్యత్తును దృష్టిలో పెట్టుకుని ఇళ్ల నిర్మాణానికి అంగీకారం తెలియజేయాలని సూచించారు. సమావేశంలో టీపీఆర్వో మానే కృష్ణమోహన్‌, ప్రత్యేక అధికారి చక్రవర్తి, వార్డు సచివాలయ సిబ్బంది పాల్గొన్నారు.