యువకుడి మృతి.. ఆసుపత్రి ఎదుట కుటుంబసభ్యుల నిరసన

కోరుకొండ: మండలంలోని కోటి కేశవరం గ్రామానికి చెందిన బోలా రాంబాబు అనే యువకుడు ఒక కాంట్రాక్ట్ పనిమీద వెళ్లి మృతి చెందాడు. పనిలో భాగంగా 12 అడుగుల లోతులో దిగి రాంబాబు పని చేస్తుండగా పైనుంచి పడిన మట్టి నిండా కూరుకుపోవడంతో మృతి చెందాడు. ఈ క్రమంలో విషయం కాంట్రాక్టర్ కి చెప్పడానికి వెళ్లగా  అతడు పరారయ్యాడు. దీంతో బాధితుడి కుటుంబసభ్యులు రాజమహేంద్రవరం ప్రభుత్వ ఆసుపత్రి ఎదుట బైఠాయించి నిరసన వ్యక్తం చేశారు.  నియోజకవర్గం జనసేన నాయకుడు బలరామకృష్ణ నిరసనకు సంఘీభావం తెలిపారు. మధ్య మండల డీఎస్పీ సంతోష్, మూడో పట్టణ పోలీసులు బందోబస్తు నిర్వహించారు.