విద్యార్థులు ఉన్నత లక్ష్యాలతో ఎదగాలి

ఉపకార వేతనాలు పొందిన విద్యార్థినులతో కలెక్టర్‌ తదితరులు

రాజమహేంద్రవరం సాంస్కృతికం: విద్యార్థులు ఉన్నత లక్ష్యాలను నిర్దేశించుకుని వాటిని చేరుకోవడానికి కృషి చేయాలని కలెక్టర్‌ కె.మాధవీలత సూచించారు. కార్పొరేట్‌ సోషల్‌ రెస్పాన్స్‌బిలిటీలో భాగంగా మలబార్‌ గోల్డ్‌ సంస్థ జిల్లాలోని 24 ప్రభుత్వ కళాశాలల్లో చదువుతున్న ప్రతిభ కలిగిన విద్యార్థినులు 406 మందికి సోమవారం ఉపకార వేతనాల పంపిణీ కార్యక్రమం నిర్వహించారు. ఆనం కళాకేంద్రంలో జరిగిన కార్యక్రమానికి ముఖ్యఅతిథిగా హాజరైన కలెక్టర్‌ 406 మందికి రూ.37.52 లక్షల స్కాలర్‌ షిప్స్‌ అందజేశారు. మానసిక వైద్యుడు కర్రి రామారెడ్డి మాట్లాడుతూ విద్యార్థులు లక్ష్య సాధనకు నూరుశాతం కృషి చేయాలన్నారు. మలబార్‌ గోల్డ్‌ రాజమహేంద్రవరం హెడ్‌ కె.ఫెబిన్‌, మేనేజర్‌ కె.వెంకట లక్ష్మీపతి, ప్రవీణ్‌ కుమార్‌, లయన్స్‌ జిల్లా గవర్నర్‌ మంగతాయారు, ఇంటర్‌ బోర్డ్‌ ఆర్‌జేడీ శారద, జె.వి.వి.సుబ్రహ్మణ్యం తదితరులు పాల్గొన్నారు.