ఎక్కడికక్కడ అంగన్‌వాడీల నిర్బంధం

రావులపాలెం పోలీసుస్టేషన్లో కార్యకర్తలు, సహాయకులు

అమలాపురం కలెక్టరేట్‌: తమ హక్కుల సాధనకు సోమవారం విజయవాడలో మహాధర్నాకు వెళుతున్న అంగన్‌వాడీ సిబ్బందిని పోలీసులు ఎక్కడికక్కడ నిర్బంధించారు. జిల్లానుంచి సుమారు 1,500 మంది సిబ్బంది విజయవాడ తరలివెళ్లాలని యూనియన్‌ నాయకులు పిలుపునిచ్చిన నేపథ్యంలో ఆదివారం సాయంత్రం నుంచే వారిని స్థానిక సచివాలయ మహిళా పోలీసులతో గృహ నిర్బంధాలు చేశారు. కొంతమందిని విజయవాడ వెళుతున్న క్రమంలో మలికిపురం మండలం దిండి చెక్‌పోస్టు, రావులపాలెం జాతీయ రహదారి వద్ద పోలీసులు అదుపులోకి తీసుకుని స్థానిక పోలీసుస్టేషన్లకు తరలించి సోమవారం మధ్యాహ్నం నుంచి విడుదల చేశారు. విజయవాడ వెళుతున్నవారిలో రాజోలు బస్డాండులో 30 మందిని, దిండి చెక్‌పోస్టు వద్ద 70 మందిని, రావులపాలెం వద్ద మరికొందరిని పోలీసులు అదుపులోకి తీసుకున్నారు. దీంతో అంగన్‌వాడీ సిబ్బంది ఆయా స్టేషన్ల వద్ద నిరసన కార్యక్రమాలు నిర్వహించారు.

మలికిపురం స్టేషన్‌లో..