హక్కుల సాధనకు కృషి చేద్దాం

మాట్లాడుతున్న ఎమ్మెల్సీ షేక్‌సాబ్జీ

శ్యామలాసెంటర్‌(రాజమహేంద్రవరం): ఉపాధ్యాయ నేతల త్యాగాల ఫలితంగా ఐక్య ఉపాధ్యాయ సంఘం ఏర్పడిందని ఎమ్మెల్సీ షేక్‌ సాబ్జీ అన్నారు. యూటీఎఫ్‌ ఉద్యమ నిర్మాత అప్పారి వెంకటస్వామి, వత్సవాయి సూర్యనారాయణరాజు వర్ధంతి కార్యక్రమం ఆదివారం రాజమహేంద్రవరం వీటీ డిగ్రీ కళాశాల ఆడిటోరియంలో జరిగింది. ఈ సందర్భంగా సాబ్జీ మాట్లాడుతూ ఉద్యమ నాయకులు తమ జీతాలు, జీవితాలు సైతం పణంగా పెట్టి ఉపాధ్యాయ హక్కుల సాధనకు కృషి చేశారన్నారు. ప్రభుత్వ తీరుతో ప్రాథమిక విద్య పేదలకు దూరమవుతోందన్నారు. ఎల్‌ఐసీ ఉద్యోగుల సంఘ ఆలిండియా కార్యదర్శి పి.సతీష్‌ మాట్లాడుతూ  ప్రశ్నించిన గొంతులకు సంకెళ్లు పడుతుండటం దురదృష్టకరమన్నారు. యూటీఎఫ్‌ జిల్లా అధ్యక్షుడు జయకర్‌ మాట్లాడుతూ ప్రభుత్వ విద్యా వ్యతిరేక ధోరణులను తిప్పి కొట్టాలన్నారు. సంఘ జిల్లా ప్రధాన కార్యదర్శి షరీఫ్‌, కోశాధికారి ప్రసాద్‌, పలువురు సభ్యులు పాల్గొన్నారు.