ఎస్టీ ఉద్యోగుల జిల్లా నూతన కార్యవర్గం

నూతన కార్యవర్గ సభ్యులు

టి.నగర్‌, న్యూస్‌టుడే: ఎస్టీ ఉద్యోగుల సంఘం తూర్పుగోదావరి జిల్లా నూతన కార్యవర్గాన్ని ప్రకటించారు. సోమవారం కార్యాలయంలో జరిగిన సమావేశంలో కొత్త కార్యవర్గాన్ని ఎంపిక చేశారు. జిల్లా గౌరవ అధ్యక్షుడిగా ఎస్‌.రాజారావు (సూపరింటెండెంటు ఆఫ్‌ జైల్‌, రాజమహేంద్రవరం) నియమితులయ్యారు. అధ్యక్షుడిగా డాక్టర్‌ ఆర్‌ఎస్‌ వరహాలు దొర, కార్యదర్శిగా డి.ప్రసన్నబాబు, సలహా సంఘం సభ్యులుగా ఆర్‌.విజయ్‌కుమార్‌ బాబు, విజయ్‌ నిర్మల, లీగల్‌ డైరెక్టర్‌ కె.రామకృష్ణ దొర, ఉపాధ్యక్షులుగా కె.రంగారావు, జాయింటు సెక్రటరీగా ఎం.నరసింహారెడ్డి, అదనపు సహ కార్యదర్శిగా పి.సింహాచలం, ట్రెజరర్‌గా వై.శ్రీనులను ప్రకటించారు. అనంతరం జరిగిన సమావేశంలో ఉద్యోగులు మాట్లాడారు. జీఓ నెం 52 ప్రకారం బోయ, వాల్మీకులను అసెంబ్లీలో ఎస్టీ జాబితాలో చేర్చాలన్న ప్రభుత్వ ప్రతిపాదనను పునరాలోచించాలని, ఈ నిర్ణయాన్ని ఖండిస్తున్నట్లు తెలిపారు.