కవి, పండితుడు కేసాప్రగడ కన్నుమూత

సత్యనారాయణ

రాజమహేంద్రవరం సాంస్కృతికం: అష్టావధాని, కవి పండితుడు, విశ్రాంత ప్రిన్సిపల్‌ కేసాప్రగడ సత్యనారాయణ(74) శుక్రవారం రాత్రి తుది శ్వాస విడిచారు. గత కొంత కాలంగా అనారోగ్యంతో ఉన్న ఆయన అమలాపురం కిమ్స్‌ ఆసుపత్రిలో చనిపోయారు. ఆయన పార్థివ దేహాన్ని దివాన్‌ చెరువు డి.బి.వి.రాజు టౌన్‌ షిప్‌ సమీపాన ఉన్న స్వగృహానికి చేరుస్తున్నారు. ఉభయ భాషా పండితులైన కేసాప్రగడ రామాయణ, భారత, భాగవతాది గ్రంథాలను అభ్యసించి పలు వేదికలపై ప్రవచనాలు చేశారు. ఆయనకు భార్య, కుమారుడు, కుమార్తె ఉన్నారు. శనివారం అంత్యక్రియలు జరుగుతాయని కుటుంబ సభ్యులు తెలిపారు.