మరో 3 కొవిడ్‌ పాజిటివ్‌ కేసులు

మసీదు సెంటర్‌ (కాకినాడ): జిల్లాలో 3 కొవిడ్‌ పాజిటివ్‌ కేసులు నమోదైనట్లు జిల్లా వైద్యాధికారులు శనివారం తెలిపారు. పెదపూడి మండలం రామేశ్వరం రైల్వేగేటు సమీపానికి చెందిన 34 ఏళ్ల మహిళ, 12 ఏళ్ల బాలుడు, 7 ఏళ్ల బాలికలకు జీజీహెచ్‌లో పరీక్ష చేయగా కొవిడ్‌ పాజిటివ్‌ వచ్చిందన్నారు. గత బుధవారం వీరి బంధువైన 45 ఏళ్ల మహిళకు కరోనా సోకింది. దాంతో ఆమె కాంటాక్ట్‌లకు పరీక్షలు నిర్వహించడంతో ఈ కేసులు నమోదయ్యాయన్నారు. అధికారులు 3 శాంపిల్స్‌ను ఇతర పరీక్షల నిమిత్తం విజయవాడ ల్యాబ్‌కు పంపనున్నారు. అనుమానిత లక్షణాలున్న 68 మందికి కొవిడ్‌ నిర్ధారణ పరీక్షలు నిర్వహించినట్లు జిల్లా సర్వేలెన్స్‌ అధికారి(డీఎస్‌వో) డా.బండారు రవికుకుమార్‌ తెలిపారు. ప్రస్తుతం జిల్లాలో 7 కొవిడ్‌ యాక్టివ్‌ కేసులు ఉన్నాయన్నారు.