33 మంది జనసేన శ్రేణులపై కేసు

కోరుకొండ, న్యూస్‌టుడే: తూర్పుగోదావరి జల్లా కోరుకొండలో ట్రాఫిక్‌కు అడ్డు తగిలి, ప్రజలను ఇబ్బంది పెట్టారనే ఆరోపణపై 33 మంది జనసేన శ్రేణులపై కేసు నమోదు చేశామని ఎస్‌ఐ కట్టా శారదా సతీష్‌ శనివారం తెలిపారు. తాగునీటి విషయంలో జనసేన శ్రేణులు కోరుకొండ ప్రధాన రహదారిని నిర్బంధించి ఆందోళన చేశారన్నారు. ఈ సమయంలో వాహనాల రాకపోకలకు అంతరాయం కలిగిందని, అనుమతి లేకుండా రోడ్డెక్కి ధర్నాకు దిగిన బత్తుల బలరామకృష్ణ, వెంకటలక్ష్మి, గోపాలకృష్ణ తదితర 13 మంది పేర్లతోనూ, వారి అనుచరులు మరో 20 మందిపైనా కేసు నమోదు చేశామన్నారు.