ఆరు నెలల్లో మారనున్న నగర రూపు

డ్వాక్వా మహిళలకు నమూనా చెక్కు అందిస్తున్న ఎంపీ

ఏవీఏ రోడ్‌: నగరంలో సీతంపేట ప్రాంతంలో ఆసరా వారోత్సవాలను శనివారం నిర్వహించారు. ముఖ్యఅతిథిగా ఎంపీ భరత్‌రామ్‌ హాజరై మహిళలకు ఆసరా నమూనా చెక్కు అందించారు. రానున్న ఆరు నెలల్లో నగర రూపురేఖలు పూర్తిగా మారనున్నాయని, సుందరీకరణ పనులు శరవేగంగా జరుగుతున్నాయన్నారు.

కమ్యూనిటీ భవన నిర్మాణ స్థలం పరిశీలన

టి.నగర్‌: గోదావరి గట్టున ఫులే విగ్రహానికి ఎదురుగా ఉన్న స్థలంలో ఫులే-అంబేడ్కర్‌ కమ్యూనిటీ హాలు నిర్మాణ స్థలాన్ని ఎంపీ మార్గాని భరత్‌, కమిషనర్‌ దినేష్‌కుమార్‌ శనివారం పరిశీలించారు. భవన నిర్మాణానికి 1,200 గజాల స్థలాన్ని కేటాయించినట్లు కమిషనర్‌ పేర్కొన్నారు. సామాజిక భవనంలో కింద కల్యాణ మండపం, పై భాగంలో స్టడీ సెంటర్‌ నిర్మించనున్నారు. కార్యక్రమంలో మున్సిపల్‌ ఎస్‌ఈ పాండురంగారావు, ఇంజనీరింగ్‌ అధికారులు తదితరులు పాల్గొన్నారు.