రెడ్‌క్రాస్‌కు రూ.40 లక్షల విరాళం

కలెక్టర్‌ కృతికాశుక్లాకు డీడీ అందజేస్తున్న సుగుణారెడ్డి, వై.డి.రామారావు

కాకినాడ కలెక్టరేట్‌: ఇండియన్‌ రెడ్‌క్రాస్‌ సొసైటీకి ఆదిత్య విద్యా సంస్థల విద్యార్థులు రూ.40 లక్షల విరాళాన్ని అందజేశారు. టర్కీ భూకంపం వంటి ప్రకృతి వైపరీత్యాల బాధితులకు సహాయం అందించేందుకు విద్యార్థులు ఈ విరాళాన్ని సమకూర్చారు. దీనికి సంబంధించి డిమాండ్‌ డ్రాఫ్టును శనివారం కలెక్టరేట్‌లో కలెక్టర్‌, రెడ్‌క్రాస్‌ జిల్లా శాఖ అధ్యక్షురాలు కృతికాశుక్లాకు రెడ్‌క్రాస్‌ జిల్లా శాఖ ఛైర్మన్‌ వై.డి.రామారావు, ఆదిత్య విద్యా సంస్థల కార్యదర్శి ఎన్‌.సుగుణారెడ్డి అందజేశారు. కలెక్టర్‌ మాట్లాడుతూ ఈ విరాళాన్ని త్వరలో రాష్ట్ర గవర్నర్‌, రెడ్‌క్రాస్‌ రాష్ట్రశాఖ అధ్యక్షుడు సయ్యద్‌ అబ్దుల్‌ నజీర్‌కు అందజేయనున్నట్లు చెప్పారు. ఇంతటి భూరి విరాళాన్ని అందజేసిన ఆదిత్య విద్యా సంస్థల ఛైర్మన్‌ ఎన్‌.శేషారెడ్డి, విద్యార్థులకు కలెక్టర్‌ అభినందనలు తెలిపారు.