నాడు ఒడ్డున.. నేడు కోత బారిన

2019లో ఉప్పాడలో గ్రామాన్ని ఆనుకుని ఉన్న భారీ రాయి

ఇక్కడ కనిపిస్తున్న రెండు చిత్రాల్లో ఉన్న భారీ రాయిని పరిశీలిస్తే కాకినాడ జిల్లా యు.కొత్తపల్లి మండలం తీరప్రాంత గ్రామాలపై సముద్ర కోత ప్రభావం ఏవిధంగా ఉందో అర్థమవుతోంది.. గతంలో ఈ భారీ రాయిని ఉప్పాడ తీరం ఒడ్డున ఆలయం నిర్మించేందుకు శంకుస్థాపన కింద వేశారు. 2019లో ఈ రాయి ఒడ్డున గ్రామాన్ని ఆనుకుని ఉండేది. ప్రస్తుతం అక్కడి నుంచి రెండు వందల మీటర్ల దూరంలో కనిపిస్తుంది. అంటే ఈ నాలుగేళ్లలో కిలోమీటరు మేర రెండు వందల మీటర్ల వరకు ఉప్పాడ నుంచి మాయాపట్నం మధ్యలో దాదాపు 150 ఇళ్లు సాగరంలో కలిసిపోయాయి. వారంతా నిలువ నీడ లేక రోడ్డున పడ్డారు. ఇలాగే పరిస్థితి ఉంటే భవిష్యత్తులో తీరప్రాంత గ్రామాలు మిగలవన్న ఆవేదన వ్యక్తమవుతోంది.
న్యూస్‌టుడే, కొత్తపల్లి