Andhra News: కైకలూరులో సైకో హల్‌చల్‌

సైకోను తాళ్లతో కట్టి పోలీస్‌స్టేషన్‌కు తరలిస్తున్న దృశ్యం

కైకలూరు, న్యూస్‌టుడే: ఆదివారం కైకలూరు పట్టణంలో ఓ సైకో హల్‌చల్‌ చేశాడు. రహదారిపై వెళ్తున్న పలువురిపై దాడి చేసేందుకు యత్నించి వారిని భయభ్రాంతులకు గురిచేశాడు. స్థానిక బస్టాండు సమీపంలో ఆటో ఎక్కేందుకు వెళ్తున్న ప్రయాణికులపై దాడికి ప్రయత్నించి, అక్కడ ఆగి ఉన్న కారులోకి ప్రవేశించి దాన్ని తీసుకేళ్లేందుకు తీవ్రంగా ప్రయత్నించాడు. స్ధానికులు ధైర్యం చేసి అతనిని తాళ్లతో కట్టి ఆటోలో పోలీస్‌ స్టేషన్‌కు తరలించారు.అతన్ని కట్టడి చేసేందుకు పోలీసులు సైతం శ్రమించారు. పట్టణ పోలీసులు అతని వివరాలు తెలుసుకునే ప్రయత్నంలో...సైకో ఒడిశా ప్రాంతానికి చెందిన వాడిగా గుర్తించి, అతనితో ఒరియాలో మాట్లాడి తల్లిదండ్రుల వివరాలను సేకరించి ఫోన్‌ ద్వారా వారికి సమాచారం అందజేశారు. ప్రథమ చికిత్స అనంతరం అతన్ని తల్లిదండ్రులకు అప్పగించనున్నట్లు పోలీసులు తెలిపారు.