logo
Published : 05/12/2021 01:21 IST

నలుగురు బోధకులతో గురుకులాన్ని నడుపుతున్నారా?

ఆశ్చర్యపోయిన గిరిజన సంక్షేమశాఖ సంచాలకుడు చినవీరభద్రుడు

విద్యార్థినులతో కలసి భోజనం చేస్తున్న చినవీరభద్రుడు

తెనాలి (కొత్తపేట), న్యూస్‌టుడే: ‘కేవలం నలుగురు టీచర్లతోనే బాలుర గురుకులాన్ని ఎలా నడుపుతున్నారు?’ అంటూ గిరిజన సంక్షేమశాఖ సంచాలకుడు వాడ్రేవు చినవీరభద్రుడు నివ్వెరపోయారు. ఆయన శనివారం పట్టణంలోని గిరిజన సంక్షేమ బాలుర, బాలికల గురుకులాల్లో ఆకస్మిక తనిఖీలు నిర్వహించారు. వీటిని సందర్శించడం ద్వారా గిరిజన సంక్షేమ వసతిగృహాలను గురుకులాలుగా మార్పుచేయడంపై తాను సంతృప్తి చెందుతున్నట్టు చెప్పారు. తాను చూసిన మంచి గురుకులాల్లో ఇక్కడి బాలికల గురుకులం కూడా ఒకటని పేర్కొన్నారు. రోజూ ఇదే భోజనం పెడుతున్నారా అంటూ.. ఆహారపట్టిక అమలుపై విద్యార్థులను ఆరా తీశారు. బాలుర గురుకులం ప్రిన్సిపల్‌ ఎక్కడని వాకబు చేయగా, సెలవులో వెళ్లారని సిబ్బంది చెప్పారు. తానే ఓ ప్లేట్‌ కడిగి తీసుకొని పిల్లలతో పాటు వరుసలో నిల్చొని భోజనం పెట్టించుకొని, వారితో కలసి కూర్చొని భోజనం చేశారు. ఉపాధ్యాయుల కొరతతో పాటు, చాలినన్ని గదుల్లేక విద్యార్థులు చదువుకునే తరగతి గదుల్నే రాత్రిళ్లు పడకకు వినియోగిస్తున్నట్టు ఉపాధ్యాయులు, వసతిగృహాల అధికారులు ఆయన దృష్టికి తీసుకెళ్లారు. కాస్మొటిక్‌ ఛార్జీలను చెల్లించడంలేదని, జీసీసీ నుంచి నిత్యావసర వస్తువుల్ని సరఫరా చేయడంలేదని, అన్నీ బయటే కొనాల్సి వస్తోందని వారు పేర్కొన్నారు. బాలుర గురుకులంలో శుద్ధిజల పరికరం పాడైందని చెప్పారు. నాడు - నేడు పథకం కింద ఈ విద్యాసంస్థను చేర్చకపోవడం వల్ల ఎదుర్కొంటున్న సమస్యలను వారు ఆయనకు వివరించారు. వసతిగృహ అధికారిణి గాజుల హిమశిల్ప, బాలికల గురుకుల ప్రిన్సిపల్‌ చుక్కా వనజ తదితరులు పాల్గొన్నారు.

Read latest Guntur News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని