మెట్ల మార్గం నిర్మాణానికి అనుమతివ్వండి

అటవీశాఖ ఉన్నతాధికారితో మాట్లాడుతున్న ఎమ్మెల్యే గోపిరెడ్డి

నరసరావుపేట అర్బన్‌, న్యూస్‌టుడే: కోటప్పకొండపై అభివృద్ధికి అటవీశాఖ తరఫున సహకరించాలని ఎమ్మెల్యే డాక్టర్‌ గోపిరెడ్డి శ్రీనివాసరెడ్డి కోరారు. నరసరావుపేటకు శనివారం వచ్చిన రాష్ట్ర అటవీశాఖ ప్రిన్సిపల్‌ చీఫ్‌ కన్జర్వేటర్‌ చిరంజీవ్‌ చౌదరిని ఎమ్మెల్యే కలిసి మాట్లాడారు. కోటప్పకొండపై పాతకోటయ్య స్వామిని దర్శించుకునేందుకు మెట్ల మార్గం నిర్మించేందుకు అనుమతించాలని కోరినట్లు చెప్పారు. కాలిబాటకు మాత్రమే అవకాశం ఉందని భక్తుల కోరిక మేరకు మెట్ల మార్గాన్ని తొమ్మిది అడుగుల వెడల్పుగా నిర్మాణం చేయాలని సంకల్పించినట్లు పేర్కొన్నారు. ఇందుకు తితిదే రూ.3.5కోట్ల నిధులు మంజూరు చేసేందుకు అంగీకరించినట్లు తెలిపారు. దీనిపై అధికారి స్పందిస్తూ పరిశీలించి అనుమతులు ఇస్తామన్నారు.