గ్రామీణుల ఆదాయం పెంచేందుకు కృషి

మాట్లాడుతున్న కేవీఐసీ సంచాలకుడు గ్రీప్‌

బాపట్ల, న్యూస్‌టుడే : తేనెటీగల పెంపకం ద్వారా గ్రామీణ యువత, మహిశల ఆదాయం పెంచేందుకు కృషి చేస్తున్నట్లు కేవీఐసీ స్వచ్ఛంద సంస్థ రాష్ట్ర సంచాలకుడు ఎస్‌.గ్రీప్‌ అన్నారు. బాపట్ల మండలం ముత్తాయపాలెంలో తేనెటీగల పెంపకంపై ‘సెర్చ్‌’ సంస్థ ఆధ్వర్యంలో ఐదు రోజులుగా నిర్వహిస్తున్న శిక్షణ తరగతులు సోమవారం ముగిశాయి. గ్రీప్‌ మాట్లాడుతూ.. నాణ్యమైన తేనెకు మార్కెట్లో మంచి డిమాండ్‌ ఉందన్నారు. వ్యవసాయంలో పంటలు సాగు చేస్తూ పెట్టెల్లో తేనెటీగలు పెంచి తేనె సేకరించి విక్రయించడం ద్వారా అదనపు ఆదాయం సాధించవచ్చన్నారు. కేవీఐసీ అదనపు సంచాలకుడు ఏజీ రావు, బాధ్యుడు టీవీరావు, సెర్చ్‌ సంస్థ కార్యదర్శి సీహెచ్‌ పార్థసారథి, పీసీవో కృష్ణ తదితరులు పాల్గొన్నారు.