విద్యుత్తు విజిలెన్స్‌ అధికారుల దాడులు

దాచేపల్లి : జిల్లా విద్యుత్తు విజిలెన్స్‌ అధికారులు దాచేపల్లి నగర పంచాయతీ పరిధిలోని పలు ప్రాంతాల్లో బుధవారం విస్తృత దాడులు నిర్వహించారు. నడికూడి, నారాయణపురంలోని ఇళ్లు, వ్యాపార సంస్థల్లో 3,679 విద్యుత్తు మీటర్లను తనిఖీ చేశారు. అందులో వివిధ రకాల అక్రమ కనెక్షన్లను గుర్తించి 107 మందిపై కేసులు నమోదు చేశారు. రూ.2.64లక్షల అపరాధ రుసుం వేశారు. 44మంది అధికారులు, 132 మంది సిబ్బంది 44 బృందాలుగా ఏర్పడి తనిఖీలు చేసినట్లు ఏఈ రామాపురం ఏడుకొండలు చెప్పారు.  ఈ సందర్భంగా అధికారులు మాట్లాడుతూ విద్యుత్తు చౌర్యానికి పాల్పడితే కఠిన చర్యలు తీసుకుంటామని చెప్పారు.