తప్పిన ప్రాణాపాయం

బాపట్ల పట్టణం, న్యూస్‌టుడే : బాపట్లలోని రాజీవ్‌ నగర్‌లో కుందేటి శ్రీను ఇంటిపై పక్కనే ఉన్న శుద్ధజల కేంద్రం ప్రహరీ కూలింది. శుక్రవారం తెల్లవారుజామున కురిసిన వర్షానికి నానిన గోడ ఒక్కసారిగా కూలింది. ఇంట్లో నిద్రిస్తున్న శ్రీను తన కుటుంబ సభ్యులను తీసుకొని బయటకు పరుగులు తీశాడు. ఎవరికీ ఎలాంటి ప్రమాదం జరక్కపోవటంతో అందరూ ఊపిరి పీల్చుకున్నారు. ఇంట్లో సామగ్రి పూర్తిగా దెబ్బతింది. పేదల నివాస స్థలం ఆక్రమించుకొని, అనుమతి లేకుండా శుద్ధజల కేంద్రం నిర్మించిన వారిపై చర్యలు తీసుకోవాలని, బాధితులకు తగిన న్యాయం చేయాలని కోరుతూ వైకాపా నేత చల్లా రామయ్య, స్థానికులు ధర్నా చేశారు.