తప్పిన పెనుప్రమాదం

నగరం, న్యూస్‌టుడే : స్థానికులు, విద్యుత్తు అధికారులు సకాలంలో స్పందించడంతో పెను ప్రమాదం తప్పింది. నగరంలోని జియో టవర్‌ రహదారిలో శుక్రవారం తెల్లవారుజామున విద్యుత్తు స్తంభంపై షార్ట్‌ సర్క్యూట్‌ కారణంగా విద్యుత్తు సరఫరా చేసే తీగ తెగి కిందికి జారింది. గమనించిన స్థానికుడు మురళి వెంటనే విద్యుత్తు శాఖాధికారులకు సమాచారం అందించారు. స్పందించిన అధికారులు సరఫరా నిలిపివేయడంతో పండగనాడు పెద్ద ప్రమాదం తప్పిందని స్థానికులు ఊపిరి పీల్చుకున్నారు. లైన్‌మేన్‌ మోహనరావు, సిబ్బంది ఏసుపాదం, బాబు సకాలంలో స్పందించి మరమ్మతులు చేసి విద్యుత్తు సరఫరా పునరుద్ధరించారు.